Ц.Мөнх-Оргил:Япон Улсад хийж буй УИХ-ын даргын албан ёсны айлчлал маш амжилттай болж байна
2017-03-30 04:45 | 1 сэтгэгдэл

Монгол Улсын Их Хурлын дарга М.Энхболдын Япон Улсад хийж буй албан ёсны айлчлалын хүрээнд Монгол Улсын Гадаад харилцааны сайд Ц.Мөнх-Оргил, Япон Улсын Гадаад хэргийн сайд Ф.Кишида нар Монгол, Японы Стратегийн түншлэлийн Дунд хугацааны хөтөлбөрт гарын үсэг зурсан юм. Засгийн газрын гишүүн, Гадаад харилцааны сайд Ц.Мөнх-Оргилоос Улсын Их Хурлын даргын албан ёсны айлчлалын явц, үр дүн, Монгол, Японы Стратегийн түншлэлийн Дунд хугацааны хөтөлбөрийн талаар тодруулав. Гадаад харилцааны сайд Ц.Мөнх-Оргил энэ талаар хэлэхдээ: -Улсын Их Хурлын дарга М.Энхболдын Япон Улсад хийж байгаа албан ёсны айлчлал маш амжилттай үргэлжилж байна. Айлчлалын хүрээнд Улсын Их Хурлын дарга Японы парламентын хоёр танхимын дарга, найрамдлын бүлгүүдийн дарга нар, Засгийн газрын зарим гишүүд, хүмүүнлэгийн байгууллагын төлөөллүүдтэй уулзаж хоёр талын хамтын ажиллагааны талаар санал солилцсон нь ихээхэн ач холбогдолтой боллоо. Улсын Их Хурлын дарга М.Энхболд айлчлалынхаа хүрээнд Японы Ерөнхий сайд Ш.Абэтэй уулзсан. Мөн Японы Гадаад хэргийн сайд УИХ-ын даргад бараалхсан. Эдгээр уулзалтаар Японы Засгийн газар нэгдүгээрт, Монгол Улсын Их Хурал, Засгийн газар ОУВС-тай хөтөлбөр тохирч, улс орныхоо хөгжлийн дунд болон урт хугацааны найдвартай төсөв мөнгө, санхүү эдийн засгийн суурь дэвсгэрийг тавьж байгаад баяртай байна. Энэ хөтөлбөрийн хүрээнд Японы Засгийн газар өмнө нь дэлхийн ямар ч улс оронд үзүүлж байгаагүй их хэмжээний дэмжлэг туслалцааг үзүүлнэ. Өмнө нь Монгол Улсад төсвийн алдагдлыг нөхөхөд зориулж хөнгөлөлттэй зээл олгож байсан бол энэ удаад өмнөх зээлийн хэмжээгээ хэд дахин нэмсэн ихээхэн хэмжээний зээл олгох гэж байна. Хоёрдугаарт, энэ нь 30-аас дээш жилийн урт хугацаатай, хүүгийн хувьд нэн хөнгөлөлттэй буюу нэг хувийн хүүтэй зээл олгохоор шийдвэрлэснээ мэдэгдсэн. Монгол Улс энэ хөтөлбөрийг хэрэгжүүлэхээс гадна Ази Номхон далай, Зүүн Ази, Зүүн хойд Азийн бүс нутагт, дэлхийн улс орнуудтай, тухайлбал Япон Улстай хамтарч ажиллаж байгаад талархал илэрхийллээ. Энэ хамтын ажиллагаагаа үргэлжлүүлье гэдэг хүсэлт тавьж байна. Монголын талаас хоёр асуудалд онцгой анхаарал хандуулахыг Японы талаас хүсч байгаа. Нэгдүгээрт, Монголын нүүрсийг Японы технологиор боловсруулж, цэвэр нүүрс гаргах, тухайлбал нийлэг хий, бензин шатахууныг орлох бүтээгдэхүүн гаргах том төсөл хэрэгжүүлье. Үүнд Азийн хөгжлийн банкны болон Японы эрдэм шинжилгээний байгууллагын судалгааг ашиглаж, энэ ажилд дараагийн таван жилд онцгой анхаарал хандуулья гэдэг санал тавьсан. Японы Ерөнхий сайд энэ саналыг дэмжиж байгаагаа илэрхийллээ. Энэ нь зөвхөн Монгол Улстай хамаатай биш дэлхий ертөнцөд бүхэлд нь тулгараад байгаль, цаг уурын асар их өөрчлөлттэй тэмцэхэд тус дөхөм болно. Тиймээс үүнд хамтарч ажиллая гэж тохирлоо. Нөгөө талаар Монгол Улсад дэлхийд хаана ч байхгүй говийн бүс нутгийн сэргээгдэх эрчим хүчний буюу нар, салхины нөөц байна. Жишээлбэл, Ази, Номхон далайн улс орнуудын нийт эрчим хүчний ихээхэн хэмжээний хэрэглээг хангах нөөц байгаа учраас үүнийг хамтарч судалж, ажил хэрэг болгоё гэдэгт санал нийлж тохирлоо. Манай талаас тавьж байгаа хоёр том санал энэ. Мэдээж Монголын залуучуудыг Японд дадлагажигч ажилтнаар явуулж, мэргэжлийн нарийн ур чадвар эзэмшүүлэх асуудлыг ярилцсан. Монгол залуусын эзэмшсэн ур чадварыг техник, технологитой нь хамт Монголдоо нутагшуулах асуудалд хоёр талаасаа ойрын хугацаанд гэрээ байгуулан гарын үсэг зурж, энэ хавартаа багтаан тоогоо тохирч эхлүүлэх талаар Японы Эрүүл мэнд, хөдөлмөр, нийгмийн хамгааллын сайд Я.Шиозаки Улсын Их Хурлын даргад бараалхах үеэр тохирсон байгаа. Бас нэг чухал ач холбогдолтой үйл явдал нь энэхүү айлчлалын хүрээнд хоёр орны Гадаад харилцааны сайд нар Монгол, Японы Стратегийн түншлэлийн Дунд хугацааны хөтөлбөрт гарын үсэг зурсан явдал юм. Энэ хөтөлбөрийн хүрээнд юуны өмнө Монгол, Япон хоёр улс дараагийн таван жилийн хугацаанд улс төр, аюулгүй байдал, батлан хамгаалах салбар, хөрөнгө оруулалт, эдийн засаг, худалдаа, боловсрол, хүмүүнлэг гээд үндсэндээ бүх салбарыг хамарсан хамтын ажиллагааг өргөжүүлнэ. Тэр дундаа харилцан ашигтай эдийн засгийн худалдааны харилцаанд гол анхаарлаа хандуулна. Хөдөө аж ахуй, Монголын байгалийн баялаг, тухайлбал, нүүрсний асар их нөөцийг Японы шинэ, цэвэр технологиор боловсруулж олон улсын зах зээлд гаргах асуудлыг чухалчилж тавьсан. Түүнчлэн Монголын залуучуудын мэдлэг боловсролыг дээшлүүлэх, боловсон хүчин, хүний нөөцийг бэлтгэх асуудалд гол анхаарлаа хандуулах, мөн Эдийн засгийн түншлэлийн хэлэлцээрийг үндэслэж, Монголоос малын болон хөдөө аж ахуйн гаралтай бараа, бүтээгдэхүүнийг Японы зах зээлд нийлүүлэх гэсэн хэд хэдэн асуудалд гол анхаарлаа төвлөрүүлсэн ийм хөтөлбөр болсон гэлээ. УИХ-ын гишүүн С.Чинзориг: Урт хугацаатай хөрөнгө оруулалтын зээл орж ирэх шугам нээгдэж байна Япон Улсын Ерөнхий сайд Шинзо Абэ тус улсад албан ёсны айлчлал хийж байгаа Монгол Улсын Их Хурлын дарга М.Энхболдод бараалхах үеэрээ Япон Улсын Засгийн газар ОУВС-тай хамтран хэрэгжүүлэх хөтөлбөрийн хүрээнд Монгол Улсад санхүүгийн бодит дэмжлэг үзүүлэхээр шийдвэрлэсэн тухайгаа мэдэгдсэн. Энэ асуудлын талаар УИХ-ын гишүүн С.Чинзориг байр сууриа илэрхийлсэн юм. УИХ-ын гишүүн С.Чинзориг: -УИХ-ын дарга М.Энхболд Япон Улсад хийж байгаа албан ёсны айлчлалынхаа хүрээнд Японы Ерөнхий сайд Шинзо Абэтэй уулзсан байна. Энэ уулзалтын үеэр Японы Ерөнхий сайд Монгол Улсын Засгийн газар, Олон улсын валютын сантай хамтран хөтөлбөр хэрэгжүүлэх гэж байгаад талархал илэрхийлжээ. Хөтөлбөр хэрэгжсэн нөхцөлд Японы Улсаас нэн хөнгөлөлттэй нөхцөлтэйгээр ихээхэн хэмжээний ам.долларын зээл олгохоо илэрхийлсэн байна. Тэгэхээр нэн хөнгөлөлттэй зээл гэж юуг хэлээд байна вэ гэдгийг тодруулж хэлье. Нэн хөнгөлөлттэй зээлийн талаар олон улсын тодорхой аргачлал байдаг. Олон улсын аргачлалаар аваад үзэхэд хөнгөлөлтийн хэмжээ нь 35 хувиас доош байгаа бол арилжааны зээл болдог. Харин хөнгөлөлтийн хэмжээ нь 35 хувиас дээш байгаа бол нэн хөнгөлөлттэй зээл гэсэн нөхцөлд ордог. Японы Ерөнхий сайдын амлаж байгаа энэ зээлийг аваад үзвэл хөнгөлөлтийн хэмжээ нь 55 хувьд хүрсэн зээл юм байна гэж би хувьдаа баримжаа, тооцоо хийж үзсэн. Тийм учраас эдийн засаг хүндрэлтэй, хямралтай байгаа ийм цаг үед энэ зээл манай улсад маш хэрэгтэй зээл гэж харж байна. Бидний авсан мэдээллээр энэхүү нэн хөнгөлөлттэй зээл нь 30 жилийн хугацаатай, жилийн 1 хувийн хүүтэй, үүнээс эхний 7-8 жилд үндсэн зээлд хүү төлөхгүй ийм нөхцөлтэй зээл гэж ойлгож байна. Ер нь Япон Улс ардчилал, зах зээлийн нийгэмд шилжсэнээс хойш Монгол Улсад хамгийн их өндөр дүнтэй санхүүгийн дэмжлэг үзүүлсэн байдаг. Нийтдээ энэ хугацаанд гурван орчим тэрбум ам.долларын санхүүгийн зээл, тусламж олгосноос нэг тэрбум нь дээрх зээлтэй ижил нөхцөлтэй буюу нэн хөнгөлөлттэй нөхцөлөөр олгосон зээл эзэлж байгаа судалгаа бий. Нөгөөтэйгүүр Олон улсын валютын сантай хамтарсан хөтөлбөр хэрэгжүүлэх нь хоёр талын ач холбогдолтой гэж би боддог. Нэгд, Олон улсын валютын сан манайд санхүүгийн дэмжлэг үзүүлнэ. Ингэснээр манайд санхүүгийн сахилга бат сайжрах нөхцөл бүрдэнэ гэж эдийн засагчид үздэг. Хоёрт, ОУВС-тай хамтарсан хөтөлбөр хэрэгжүүлээд эхлэхээр Монгол Улс нэгдсэн санхүүгийн бодлоготой явах, санхүүгийн сахилга сайжрах, үүнийг дагасан урт хугацаатай хөрөнгө оруулалтын зээлүүд нэмэгдэх гэсэн давуу талууд бий болно. Үүний нэг тод жишээ нь Монгол Улсын Засгийн газар Олон улсын валютын сантай хамтарсан хөтөлбөр хэрэгжүүлэхээр боллоо гэж мэдэгдсэнээс хойш Японы Засгийн газар нэн хөнгөлөлттэй нөхцөлөөр урт хугацаатай, хүү багатай, хөрөнгө оруулалтын зээл олгохоо амласан явдал юм. Ингэснээр урт хугацаатай хөрөнгө оруулалтын зээл орж ирэх шугам нээгдэж байна гэлээ.

Ц.Мөнх-Оргил: Засгийн газрын шугамаар Далай ламыг урьж байгаагүй, цаашид ч урихгүй нь ойлгомжтой
2016-12-21 06:29 | 6 сэтгэгдэл

УИХ-ын гишүүн, Гадаад харилцааны сайд Ц.Мөнх-Оргилтой цаг үеийн асуудлаар ярилцлаа.

Шонхор шувууг Гадаад хэргийн яам, улс төрчдөөс хол байлгая
2015-05-27 02:25 | Сэтгэгдэлгүй

Монголыг дайран өнгөрдөг нүүдлийн шувуудын дунд Идлэг шонхор гэж нэг хэцүүхэн тавилантай өрөвдмөөр шувуу байх.Уг нь бол цагаан шонхор нь нүүдэлчин Монголчуудын эртний тахилга сүлдэнд мөнхөрсөн жигүүртэн.Харин өнөө үед энэ шувуунд хандах Монголчуудын хандлага янз бүр болж. Шувуу судлаачид, амьтан, байгаль хамгаалагчид идлэг шонхорыг хамгаалах талаар санаа тавьж популяцийг нь өсгөх, амьдрах орчинг тэтгэх, үхэл хорогдлыг нь бууруулах элдэв төслийг хэрэгжүүлцгээдэг. Харин нутаг оронд нь шонхор шувууг олноор тархсан аймаг сумдын засаг дарга нар жаахан хэтрүүлж хэлбэл түүнийг бензиний мөнгө,

Л.Пүрэвсүрэн яамныхаа ажилтнуудыг хоморголон халжээ
2015-02-09 05:50 | 8 сэтгэгдэл

Гадаад хэргийн сайд Л.Пүрэвсүрэн оны өмнөхөн яамныхаа 40 гаруй ажилтныг нэг өдрийн дотор тушаал гарган ажлаас нь чөлөөлсөн тухай мэдээлэл цацагдаж байсан. Гэсэн хэдий ч энэхүү мэдээллийг тухайн үед Л.Пүрэвсүрэн үгүйсгэж байв. Ажлаас халагдсан хүмүүсийн тухайд, Гадаад хэргийн яамны Консулын

НҮБ-ын конвенцийн Нэмэлт Протоколыг соёрхон батлахыг дэмжлээ
2014-10-14 08:57 | Сэтгэгдэлгүй

Улсын Их Хурлын Аюулгүй байдал, гадаад бодлогын болон Хууль зүйн байнгын хороо өнөөдөр /2014.10.14/ хамтран хуралдаж, “Эрүүдэн шүүх болон бусад хэлбэрээр хэрцгий, хүнлэг бусаар буюу хүний нэр төрийг доромжлон харьцаж, шийтгэхийн эсрэг НҮБ-ын конвенцийн Нэмэлт Протокол”-ыг соёрхон батлах тухай хуулийн төслийг соёрхон батлах асуудлыг хэлэлцлээ.

Виз хэвийн олгогдож байгаа гэв
2014-10-06 01:26 | Сэтгэгдэлгүй

БНСУ-ын Инчён хотноо зохион байгуулагдсан Азийн наадмын шүүлтийн маргаан тойрсон асуудлаас болж БНСУ руу зорчих жуулчны визийг ирэх арванхоёрдугаар сар хүртэл олгохгүй болсон гэх мэдээлэл хэд, хэдэн цахим мэдээллийн сайтад тавигдсан юм.

Сайд Л.Болд гадаад хэргийн сайд нартай уулзлаа
2014-09-24 04:47 | Сэтгэгдэлгүй

Монгол Улсын Гадаад харилцааны сайд Л.Болд НҮБ-ын Ерөнхий Ассамблейн 69 чуулганд оролцох явцдаа Лихтенштейний Вант Улсын Гадаад хэрэг, боловсрол, соёлын сайд Аурелиа Фрик, Арабын Нэгдсэн Эмират Улсын Гадаад хэргийн Төрийн сайд Реем

Монгол-Хятадын залуучуудын бизнес уулзалт боллоо
2014-09-13 05:08 | Сэтгэгдэлгүй

Монгол Улс, БНХАУ-ын Засгийн газрын хамтын ажиллагааны хүрээнд Гадаад харилцааны яам, Монголын залуучуудын холбоо хамтран Монгол-Хятадын улс төр, бизнес, нийгэм, соёл, спортын салбарын залуучуудын туршлага солилцооны хөтөлбөрийг гурав дахь жилдээ хэрэгжүүлж байна.

ОХУ-д 30 хоног визгүй зорчино
2014-09-02 04:22 | Сэтгэгдэлгүй

ОХУ-ын засгийн газар Орос монголын иргэд 30 хоног хүртэл хугацаанд харилцан визгүй зорчих гэрээг батлахаар төлөвлөжээ.

А.Гансүх сайд ОХУ-д айлчиллаа
2014-08-11 06:45 | Сэтгэгдэлгүй

Монгол Улсын Зам, тээврийн сайд А.Гансүх энэ сарын 6-9-ний өдрүүдэд ОХУ-ын Тээврийн сайд М.Ю.Соколовын урилгаар тус улсад ажлын айлчлал хийлээ. Айлчлалын үеэр Зам, тээврийн сайд А.Гансүх ОХУ-ын Тээврийн яаманд очиж, Тээврийн сайд

Монгол улс ACEAH-ы сайд нарын уулзалтад анх удаа оролцлоо
2014-08-11 02:42 | Сэтгэгдэлгүй

Мьянмарын Холбооны Бүгд Найрамдах Улсын нийслэл Нэй Пи До хотод 8 дугаар сарын 8–9–нд болсон Зүүн өмнөд Азийн улсуудын холбоо буюу АСЕАН–ы Гадаад хэргийн сайд нарын 47 дугаар чуулга уулзалтад Монгол Улсын Гадаад харилцааны сайд Л.Болд

Өсвөрийн хөлбөмбөгчид шөвгийн дөрөвт шалгарлаа
2014-07-19 04:20 | 1 сэтгэгдэл

Шведийн Гётеборг хотноо дэлхийн 80 гаруй улсын 1600 гаруй хөл бөмбөгийн клуб оролцож байгаа Өсвөрийн хөл бөмбөгийн аварга шалгаруулах тэмцээн үргэлжилж байна. Өчигдөр 16 хүртэлх насны ангилалд өрсөлдөж байгаа Монгол Улсын хөл бөмбөгийн "Дэрэн"

Хятадын эдийн засгийн өсөлт гурван улирлын дараа анх удаа өслөө
2014-07-18 01:41 | Сэтгэгдэлгүй

ДНБ-ний жилийн өсөлт 7.5 хувь хүрсэн тухай мэдээллээ. Мөн зургаадугаар сарын аж үйлдвэрлэлийн хэмжээ болон эхний хагасын үл хөдлөх хөрөнгийн хөрөнгө оруулалт таамаглаж байснаас давсан байна.

111247 монгол иргэн гадаад амьдарч байна
2014-07-09 02:19 | Сэтгэгдэлгүй

Манай улс жил бүр Солонгост ажиллах хүчин илгээдэг. Өөрөөр хэлбэл, тус улсад хамгийн олон монгол иргэн амьдардаг гэсэн судалгаа бий.

БНСУ-ын визний журамд өөрчлөлт орлоо
2014-07-04 06:01 | Сэтгэгдэлгүй

БНСУ-д зорчих Монгол Улсын иргэдийн виз мэдүүлэх нөхцлийг хөнгөвчлөх үүднээс виз мэдүүлгийн журамд өөрчлөлт оруулжээ.

УИХ, ТУҮИХ хоорондын хамтын ажиллагааны протоколд гарын үсэг зурлаа
2014-06-24 04:02 | Сэтгэгдэлгүй

Монгол Улсын Их Хурлын дарга Зандаахүүгийн Энхболдын урилгаар зургадугаар сарын 23-26-ны өдрүүдэд манай улсад албан ёсоор айлчилж байгаа Бүгд Найрамдах Турк Улсын

ОХУ-ын Холбооны Хурлын Холбооны Зөвлөлийн дарга Монгол Улсад айлчилна
2014-06-20 06:11 | 1 сэтгэгдэл

Монгол Улсын Их Хурлын дарга Зандаахүүгийн Энхболдын урилгаар Оросын Холбооны Улсын Холбооны Хурлын Холбооны Зөвлөлийн дарга хатагтай Валентина Ивановна Матвиенко 2014 оны 6 дугаар сарын 22-23-ны өдрүүдэд Монгол Улсад албан ёсоор айлчилна.

УИХ-ын дарга НҮБ-ын төлөөлөгчдийг хүлээн авч уулзав
2014-06-17 03:10 | Сэтгэгдэлгүй

УИХ-ын дарга уулзалтын үеэр Үндсэн хуулинд өөрчлөлт оруулах эсэх талаар ярилцаж байгаа энэ үед НҮБ-аас гаргасан судалгаа нь цагаа олсон ажил болсныг онцоллоо. Тэрбээр УИХ болон НҮБ-ын Хөгжлийн хөтөлбөрөөс ардчилсан засаглалын салбарт хамтран

Латви улсын Ерөнхийлөгч айлчилж, Хөл бөмбөгийн ДАШТ эхэлсэн 7 хоног
2014-06-14 04:42 | Сэтгэгдэлгүй

Өнгөрөгч долоо хоног үйл явдлаар өрнүүн байлаа. Ингээд улс орны хэмжээнд болсон онцлох үйл явдлуудыг тоймлон хүргэе.

Монголын Үйлдвэрлэл, бизнесийн холбоо байгуулагдав
2014-06-12 05:10 | Сэтгэгдэлгүй

урк улсын зарим бизнес эрхлэгчдийн санаачлагаар тус улсын Истанбул хотод Монголын үйлдвэрлэл, бизнесийн холбоо байгуулагдав. Монгол, Турк хоорондын эдийн засаг,

Бусад мэдээ