2020-03-16 03:10

Я.Содбаатар МАН-ын ЕНБДарга, Ж.Энхбаяр Батлан Хамгаалахын Сайд болох болзолтойгоор УИХ-д нэр дэвшихгүй


УИХ-ын 2020 оны сонгууль хэдхэн сарын дараа болох гэж байна. Үүнтэй холбоотойгоор МАН, АН УИХ-ын 2020 оны сонгуульд нэр дэвшигчдээ тодруулж эхлээд буй билээ.

Эрх баригч намын хувьд тус намын Ерөнхий Нарийн Бичгийн Дарга Д.Амарбаясгалангаар ахлуулсан баг Монгол улсын хэмжээнд МАН-аас нэр дэвших боломжит хүмүүсийн рейтингийг тогтоох цогц судалгааг хийсэн бөгөөд уг судалгааг УИХ-ын 2020 оны сонгуульд нэр дэвшүүлэх гол үзүүлэлт болгох гэнэ.

Уг судалгааг 4 сарын сүүлээр дахин хийж, намын бага хуралдаа танилцуулах юм байна.

Гэвч судалгааны дүнгээс гадна намын даргын хувьд У.Хүрэлсүх УИХ-ын 2020 оны сонгуульд МАН-аас хэд хэдэн улс төрчийг нэр дэвшүүлэхгүй байх шийдвэр гаргаж болзошгүй аж.

 

Жишээ нь тухайн тойрогтоо рейтинг өндөр байсан ч гэсэн М.Энхболд УИХ-ын 2020 оны сонгуульд МАН-аас нэр дэвшчихвэл У.Хүрэлсүх "60 тэрбум"-ын эсрэг тэмцлээ иргэд, сонгогчдод юу гэж тайлбарлах вэ? гэдэг асуудал үүсэх төдийгүй энэ нь АН, МАХН-д  МАН-руу дайрах нэг шалтгаан болох билээ.

 

Мөн ЖДҮ-ийг Дэмжих Сангаас хөнгөлөлттэй зээл авсан УИХ-ын гишүүдийг намаасаа нэр дэвшүүлэхгүй гэдгээ МАН-ын дарга, Ерөнхий Сайд У.Хүрэлсүх нэгэнтээ ам алдчихсан.

Иймээс ч уг амлалтандаа ямар нэг хэлбэрээр хүрэх хэрэгтэй.

Хэрхэн хүрэх хувилбараа ч бодож олсон байна.

Тодруулбал ХХААХҮЯ-ы харьяа ЖДҮ-гийн Дэмжих сангаас хөнгөлөлттэй зээл авсан УИХ-ын гишүүн Я.Содбаатар, Ж.Энхбаяр, Б.Ундармаа, Т.Солтан нарыг УИХ-ын 2020 оны сонгуульд МАН-аас нэр дэвшүүлэхгүй гэж урьдчилсан байдлаар тогтжээ.

Гэхдээ Ерөнхий сайд У.Хүрэлсүхийн дотны нөхөд нь мэдээж ямар нэг байдлаар хоосон хоцорч болохгүй. Иймээс ч УИХ-ын 2020 оны сонгуулийн дараа МАН ямар нэг байдлаар Засгийн эрх үргэлжлүүлэн баривал Я.Содбаатар МАН-ын Ерөнхий Нарийн Бичгийн Дарга, Ж.Энхбаяр Монгол Улсын Засгийн Газрын гишүүн, Батлан Хамгаалахын Сайд болох хүсэлтээ намынхаа удирдлагад илэрхийлсэн байна.

Түүнчлэн УИХ-ын гишүүн Ж.Эрдэнэбат, Д.Хаянхярваа нарыг УИХ-ын 2020 оны сонгуульд МАН-аас нэр дэвшүүлэхгүй байх магадлал өндөр байгаа аж.

 

Э.Мягмар

sonin.mn


Сэтгэглдэл: 0

AНХААРУУЛГА: Сэтгэгдэл бичихдээ бусдыг болон өөрийгөө хүндэлнэ үү. Дээрх мэдээ нийтлэлтэй холбоотой соёлч боловсон, зүй зохистой хэлэлцүүлэг үүсгэх, хувийн үзэл бодлоо илэрхийлэх боломжийг таньд олгож байна.
Дээрх талбарт ulstor.mn гэж бичнэ үү!!!

Сэтгэгдэл нэмэгдээгүй байна. Та сэтгэгдэлээ бичвэл АНХНЫХ болно