2017-10-09 03:27

Ерөнхийлөгч Р.Бурмааг ҮХЦ-ин гишүүнд зүтгүүлж эхэллээ


Yндсэн хуулийн цэц есөн гишүүнтэй. Тэдний гурвыг нь Ерөнхийлөгч санал болгож УИХ-аар зургаан жилийн хугацаатай томилуулдаг. Цэцийн одоогийн гишүүдээс Д.Наранчимэг, Н.Жанцан, Т.Лхагваа нарыг экс Ерөнхийлөгч санал болгож томилуулжээ. Цэцийн орлогч дарга Н.Жанцан Үндсэн хуулийн цэц байгуулагдсан 1992 оноос өнөөдрийг хүртэл ажиллаж байна. Түүний дөрөв дэх бүрэн эрхийн хугацаа энэ онд буюу ердөө хэдхэн сарын дараа дуусч байна. Мөн цэцийн гишүүн Д.Наранчимэгийн бүрэн эрхийн хугацаа 2017 онд дуусах бол Т.Лхагваагийн бүрэн эрхийн хугацаа ирэх 2018 онд дуусах юм. Шинээр баталсан Үндсэн хуулийн цэцийн тухай хуульд зааснаар цэцийн гишүүнийг тэтгэврийн насанд хүрсэн тохиолдолд чөлөөлж болох заалт орсон. Энэ дагуу тэтгэврийн насанд хэдийнэ хүрсэн Д.Наранчимэг, Н.Жанцан, Т.Лхагваа нарыг чөлөөлж болох хэдий ч зургаан жилийн хугацаагаар томилогддог тул хугацаагаар нь чөлөөлөх юм.Ямартай ч тэдний хэн нэгэн нь чөлөөлөгдөж байгаа бололтой. Монгол улсын Ерөнхийлөгч Х.Баттулаг энэ сарын 5-ны өдөр захиармж гарган УИХ-ын гишүүн асан Р.Бурмааг Үндсэн хуулийн цэцийн гишүүнээр томилуулахаар саналаа УИХ-д хүргүүллээ.

Түүнийг Үндсэн хуулийн цэцийн гишүүнээр томилох эсэхийг УИХ-ын гишүүд шийдэх болно.

Тэгвэл УИХ-ын гишүүн асан Р.Бурмаа Үндсэн хуулийн цэцийн гишүүн болох  хэмжээний хуулийн мэдлэг, ажлын туршлагатай хүн мөн эсэхийг хамтдаа харцгаая.

Раднаагийн Бурмаа нь 1958 онд Улаанбаатарт хотод төрсөн Буриад үндэс угсаатай нэгэн. Түүний хувьд

  • 1975 онд Нийслэлийн 52-р дунд сургууль

  • 1982 онд БНБАУ-ын Электрон Техникийн их сургууль

  • 1987 онд МУИС-ийн англи хэлний дээд курс

  • 1992 онд Удирдлагын хөгжлийн институтыг төгссөн байх юм.

Харин ажилласан байдлын хувьд

  • 1982-88 онд ШУА-ийн Физикийн хүрээлэнд эрдэм шинжилгээний ажилтан

  • 1988-1992 онд Монэл фирмд инженер, зохион бүтээгч

  • 1992-1996 онд Нийгмийн дэвшил эмэгтэйчүүд хөдөлгөөний тэргүүн

  • 1996-1997 онд Хүүхдийн төлөө төвийн дарга

  • 1997-2002 онд Сонгогчдын боловсрол төвийн захирал

  • 2002-2006 онд Сонгуулийн ерөнхий хорооны гишүүн

  • 2005-2011 онд МҮОНРТ-ийн үндэсний зөвлөлийн гишүүн

  • 2009-2012 онд Монгол улсын Ерөнхийлөгчийн зөвлөх

  • 2012-2016 онд УИХ-ын гишүүн

  • 2012-201 онд УИХ-ын Өргөдлийн байнгын хорооны дарга

  • 2014-2016 онд ХХАА-н сайд

  • 2009-2012, 2017 оноос АТГ-ын дэргэдэх олон нийтийн зөвлөлийн гишүүнээр ажиллаж байгаа юм.

Үндсэн хууль бол Эцэг хууль. Эцэг  хуулийн сахиул нь ҮХЦ-ийн гишүүн байдаг. Гэтэл эцэг хуулийг хуулиар мэргэшээгүй хүн сахих гэж байгаа нь хэр зөв зүйтэй үйлдэл юм болдоо...

УИХ-ын гишүүд Р.Бурмааг ҮХЦ-ийн гишүүнээр томилох эсэхийг харах л үлдлээ...


Сэтгэглдэл: 0

AНХААРУУЛГА: Сэтгэгдэл бичихдээ бусдыг болон өөрийгөө хүндэлнэ үү. Дээрх мэдээ нийтлэлтэй холбоотой соёлч боловсон, зүй зохистой хэлэлцүүлэг үүсгэх, хувийн үзэл бодлоо илэрхийлэх боломжийг таньд олгож байна.
Дээрх талбарт ulstor.mn гэж бичнэ үү!!!

Сэтгэгдэл нэмэгдээгүй байна. Та сэтгэгдэлээ бичвэл АНХНЫХ болно