2016-10-14 03:44

Сонгуулиар долоох шахдаг нөхөд хэзээ “ичих булчирхай”-тай болох вэ?


 

Сонгуулиар долоох шахдаг нөхөд хэзээ “ичих булчирхай”-тай болох вэ?

     Удирдагчаа сонгодог улс болгон л сонгууль хийдэг л дээ. Ингэхдээ олон түмний саналыг шудрага бусаар өөрөөр хэлбэл мөнгөөр худалдаж авдаг явдал хаа сайгүй л байдаг. Харамсалтай бид тэгдэгийг нь мэдсээр байж дуугүй л яваад байдаг нь хачирхалтай. Сонгуулийн үр дүн гарсаны дараа нь ялагдсан нам нь луйвардууллаа гэж баахан хашигардаг ч тэгсхийгээд л намждаг жишиг бүр тогтчихсон. Тэгээд ч тэднийг хэн ч сонсохоо байсан. Бас үнэхээр луйвардуулсан байсан ч ялагдсандаа гоншигнож байна гэсэн хандлагаар хүлээж авдаг болчихсон. За энэ ч яах вэ, хамгийн гол нь нэр дэвшиж байгаа хүмүүс нь л үнэхээр ичих булчирхай гэж байхгүй байгаа юм даа. Тэгээд бас болоогүй ээ, нэр дэвшиж байхдаа долоочих шахам гүйж явсан нөхөд ялчихаараа нэг нүдээрээ ч хялайгаад харчихгүй шүү дээ. Бүр нэг насаараа л тэр суудалдаа эзэн байх юм шиг л авирлах. Гэвч хэн тэднийг ийм болгов гэдгийг бодох л асуудал. Эцсийн эцэст ямарч сонгогчийн боловсролгүй ард түмэн бид л тэднийг тэнэг гэдгийг нь мэдсээр хэдэн халтар төгрөг авчихаад л дахиад сонгочихоод байгаад хамаг учир байгаа юм ш дээ. Тэгээд байхаар чинь тэр хэдэн нөхөд даврахгүй яах юм бэ.

      Нүд бүлтийж нүүр улайм нөхөд гэнэт л нэр дэвшиж байна гээд гараад ирэхийг нь яана. Итгэх ч хэцүү, байх ч хэцүү, зүхэх ч хэцүү л юм даа. Гэвч тийм нөхдийг муулсаар байгаад л манайхан сонгочихоод байгаа юм даа. Саяхан нэг өглөө орцноосоо гармагч л нэг хүн тулж ирээд л “Сайн байна уу, сайхан намаржиж байна уу” гээд л гар барилаа. За бараг тэврээд үнсэх нь холгүй л юм болов. Юу билээ таних билвүү гээд бодолхийлж амжаагүй байтал л “Би танай хороонд нэр дэвшиж байгаа юм. Намайг тэр гэдэг, тийм ч мундаг ажил хийсэн...” гээд л тэр хүнд ер нь муу зүйл огт алга. Би ч ёстой ажил нь л юм даа гээд амаа хавчаад өнгөрлөө. Энэ явдлаас хойш сарын дараа тэр хүн олны дунд орж ингэж явахгүй гэдгийг сайн мэдэж байгаа болохоор уур ч хүрэх шиг. Энэ сонин тогтолцоог халах цаг нь болсон шүү. Сонгогч та бид л өөрчилөх ёстой.

     Тэгээд бас адилхан нэр дэвшиж байж шудрага өрсөлдөж чадахгүй хорон юм сэдэхийг нь яана. Өрсөлдөгчийнхөө зургийг урлаа гээд нөгөөдөх нь унаад, ялагдчихгүй л баймаар...Ийм жижигхэн юмаар битгий тоглож байгаач дээ нэр дэвшигчид минь.

  Зарим нэг инээд ч хүрмээр, уур ч хүрмээр сурталчилгааны самбаруудыг сонирхуулая. 

(*-*)

 

(*-*)

 

(*-*)

(*-*)

 

 

 Ч.Сугар

Эх сурвалж: www.ulsturch.mn

Сэтгэглдэл: 0

AНХААРУУЛГА: Сэтгэгдэл бичихдээ бусдыг болон өөрийгөө хүндэлнэ үү. Дээрх мэдээ нийтлэлтэй холбоотой соёлч боловсон, зүй зохистой хэлэлцүүлэг үүсгэх, хувийн үзэл бодлоо илэрхийлэх боломжийг таньд олгож байна.
Дээрх талбарт ulstor.mn гэж бичнэ үү!!!

Сэтгэгдэл нэмэгдээгүй байна. Та сэтгэгдэлээ бичвэл АНХНЫХ болно