2018-12-20 01:39

МАН-ын Бага хурлаар УИХ-ын М.Энхболдыг огцрох өргөдлөө өгөх тогтоолыг баталжээ


МАН-ын Бага хурлаар тус намын дарга У.Хүрэлсүхийн танилцуулсан УИХ-ын М.Энхболдыг сайн дураараа огцрох өргөдлөө өгөх нь зүйтэй гэсэн саналыг дэмжиж, тогтоол баталжээ.

Энэ үеэр МАН-ын дарга У.Хүрэлсүх, "Намын Удирдах зөвлөл хуралдаж, УИХ-ын даргыг огрруулах асуудлыг олон талаас нь хэлэлцсэн. УИХ-ын 40 гишүүн чуулганы нэгдсэн хуралдаанд оролцохгүй гэдгээ мэдэгдсэн. Хэрэв намаас улс төрийн шийдвэр гаргахгүй бол энэ байдал цаашаа үргэлжлэх нь тодорхой. Тиймээс би УИХ-ын даргад "Та ажлаа өг. Би ч бас Ерөнхий сайдын үүрэгт ажлаа хүлээлгэн өгье гэсэн санал хүртэл тависан ч хүлээн авахгүй гэсэн. Төрийн эрх барих дээд байгууллага нь үйл ажиллагаагаа хэвийн явуулж, хуваагдаад буй МАН-ын бүлэг эв эеийг олох нь чухал” гэлээ.

Ийнхүү санал хураалт явуулахад Бага хуралд оролцсон гишүүдийн 90 хувь УИХ-ын дарга М.Энхболд сайн дураараа огцрох өргөдлөө өгөх нь зүйтэй гэсэн тогтоолыг дэмжсэн байна.

 

Ч.Ариунболд

Эх сурвалж: Монцамэ агентлаг


Сэтгэглдэл: 0

AНХААРУУЛГА: Сэтгэгдэл бичихдээ бусдыг болон өөрийгөө хүндэлнэ үү. Дээрх мэдээ нийтлэлтэй холбоотой соёлч боловсон, зүй зохистой хэлэлцүүлэг үүсгэх, хувийн үзэл бодлоо илэрхийлэх боломжийг таньд олгож байна.
Дээрх талбарт ulstor.mn гэж бичнэ үү!!!

Сэтгэгдэл нэмэгдээгүй байна. Та сэтгэгдэлээ бичвэл АНХНЫХ болно